👦🏻「媽咪,你得閒幫手買呀b啲尿片上黎吖！」👵🏻
👩🏻「爸爸,今日可唔可以幫手接呀仔放學呀？」👴🏻
👦🏻「老豆,黎緊呢個星期幫手湊我啲囝囡得嗎？」👴🏻
👩🏻 「媽媽,你今晚可以幫手買餸煮飯嗎？我要OT呀」🧓🏻
👩🏻🎓而加係香港，在職雙親的家庭，除左工人姐姐，公公婆婆爺爺嫲嫲好多時都係大部分小朋友，平日嘅主要照顧者🐥🐣🐣
咁你地又記唔記得，自己細個嘅時候，除左爸爸媽媽之外，邊個係你嘅「照顧者」？🤔🤔
有邊一樣野，邊一件事，邊一個人，係你嘅身邊或者心入面一直陪你成長到而加？💕
小時候既我其實真好唔鍾意食粥，除咗婆婆煲既之外，基本上我係唔會食。記得細個既時候雖然唔係婆婆湊，但如果病咗返唔到學，曾經有段短時間媽咪係會擺我係婆婆屋企，因為病，所以婆婆一定整粥俾我食。除咗婆婆既粥我係覺得最好食，每次食到都感到好幸福，不過就唔係成日有得食個種感覺係既遠亦近，難以形容既感覺。同樣地其實也不敢太接近婆婆，距離遠遠的，可能始終是外孫的關係，感覺不是那麼近。
這種外孫及內孫的感覺很特別，我是嫲嫲湊大到8歲，雖然有時嫲嫲對我們很兇，但感覺她對我，妹妹及表妹，都是多少有點不同。被人偏愛抑或是愛但不是最愛，無論大人怎麼說，孩子的感受是不會動搖也不能被改變的。會一直留在心中。只是不想對人說而已。今天年代不同，很多孩子都有幸是由祖父母帶大。或許有時長輩認為理所當然的先照顧內孫，再照顧外孫，其實小孩子不會明白，做父母的一定會看進眼廉，造成女兒與父母，成人兄弟姊妹間衝突。本來弄孫為樂，但當有多過一個子女及孫兒時，又該如何分身？
婆婆離世已5年，她離世的最後階段，我並沒有做到我所希望的。當時正在懷孕，有些情況讓我心力交瘁，並沒有走到醫院的勇氣。說的可能是一種藉口。沒有走到醫院，但經常用婆婆的方式煮粥，是暗暗地想著她的一種吧。去到油站入油，總想起她說過喜歡油店的香氣。不知是否胎教，不喜愛吃粥的我，偏偏兩個仔女好喜歡吃粥，仔說只有媽媽煮的粥最好吃。每逢病倒或有不如意事，他會要求我煮粥。吃罷一臉滿足。
仔是婆婆過身後大概兩個月出世，如果信輪迴，我常常想他是婆婆轉世，因為他對食物的喜好，去到油站又話鍾意那種香氣真的很似曾相識。今朝一早又煮粥，兩位大帝指明要碎肉粥。每一次都令我想起婆婆都有感而發。放低仔，女未夠時間返學，她說想找她的婆婆吃早餐…..because I love Por Por so much.
原文出自Mother Duck by
Dr. Bianca Ho
何善韻博士
註冊輔導心理學家
前計劃顧問