👧🏻：「媽咪，點解今日咁多同學無番學？」
👶🏻：「今日又唔駛返學？點解既？」
🧒🏻：「今日係唔去學校學習啫，但我地都會係屋企學習架⋯」
//對於停課，一般孩子的反應當然很雀躍，無任歡迎，又可以待在家一整天，縱使爸爸媽媽仍然要上班，但都是開心的，尤其是第一天。他們未必會多問發生甚麼事而無需上學。當然如果你的孩子跟我的一樣好奇，求知慾旺盛，他們定必會多口一問為甚麼？如果已經是第二天，或者是第三天，那突如其來的安排，就算是歡迎，心水清的小朋友或者是年紀大一點已是K2,K3,又或者已是小學生，都一定會多口問問為甚麼？
作為家長的我們，該如何回應才是恰當呢？小朋友又是否要知道很多？如果小朋友曾經已出門上學而因道路狀況而要被撤返，又或者要提早放學，他們觀察過街道，社會狀況，或不同路人的情緒反應，我們又需要如何處理呢？希望可以略盡綿力講解一下。
模擬場景：
小朋友：「今日又唔駛返學？(係呀) 點解既？」
家長：「今日係唔去學校學習睹，但我地都會係屋企學習架，homeschool 你聽過未呀？今日我地就係homeschool day啦！因為今日既交通狀況同平時唔同，會好塞車(會搭唔到車), 又估計唔到放學時既交通，所以學校就安排小朋友今日係屋企學習啦。」
******************
一般小朋友都會就此結束對話，去忙玩玩具或做其他的，也有些小朋友會想知更多
******************
小朋友：「點解今日塞車就唔駛返呢？平時都有塞，我地都要返喎？」(這小朋友不滿足於你的答覆，因為知道，應該另有內情）」
家長：「你又觀察得到喎！今日既塞車係會同平日唔同，因為除咗有d路行唔到，又有交通工具好似地鐵同巴士都唔開，所以會用太多時間都未必返到學校上堂囉！」
小朋友：「咁做咩d路會行唔到，d地鐵巴士又唔開，係咪有(示威)個d人(攪事/破壞/扔野係d路/塞住d路）唔俾人行？係咪有催淚氣？係咪有太多警察係街？係咪警察要捉人呀？係咪有示威呀？」
*****************
似乎這個小朋友不論是家長安排與否，已有接觸一定的資訊，又或者在大人言談字裡行間已略知一二，也引發了他的求知慾，所以要打開話題，小心引導。而傾談過程，有一個宗旨，要循序漸進，不盡加個人政治立場，只是首先介紹政治是一個甚麼概念。
*****************
家長：「哦你問塞車係咪因為(重覆小朋友想法：有人示威呀？」
小朋友：「係呀，我聽xxxx都係咁講」
家長：「咁你話佢地示威，即係佢地做咗d咩？」(想知道小朋友究竟理解或聽到的有幾多）」
小朋友：「我唔知呀，我淨係聽咋！」
家長：「哦！咁你仲想唔想知多d?（你講啦！）示威其實講緊有一班人，想向政府表達自己既意見即係諗法，同埋佢地想要d咩！（咩係政府呀？」政府係一個部門，呢個部門入面有一個叫特首既人，同佢既團隊，即佢個team，一齊幫住係香港呢個地方既人做野。咁因為有一部分人覺得佢地做得唔夠好，想話俾政府知，所以就會透過遊行或者集會黎表達啦！呢d大家就會叫示威既人。」
*****************
如果小朋友用心地聽然後再發問，家長便需要繼續解釋，如果小朋友已感到滿足，談話便可終結，待下一次小朋友發問時才再打開談話並作引導。
*****************
跟小朋友談社會狀況，有以下幾點需要留意：
1）家長自身情緒要保持平靜，先不加插個人感受
2）忌用任何不尊重別人而侮辱的形容詞如「曱甴」「狗」
3）其實使用「暴徒」或「黑警」也不太恰當，因為對小朋友來說是過多資訊要分析
4）盡量使用在示威的人認為要這樣做（破壞）政府才會聆聽，因為之前他們認為自己已用和平的遊行方式表達但沒有效果，而警察也認為自己在執法，如果有人違法如破壞公物，便要接受懲罰。即表示不同立場的見解
5）問小朋友聽完你粗略解釋後，有甚麼見解
6）一般接近5歲或以上的小朋友都會有自己的看法。必須要問問才知道他們有沒有錯誤理解
7）如果見小朋友在討論過程有情緒反應，或因為曾外出而見狀有受驚過的情況，可先問問小朋友是否感到不安或驚慌,然後再嘗試了解驚慌原因。再作安慰或多作擁抱，身體接觸。
8）如有未能理解小朋友狀況，就此事而有所困擾，包括家長自身，或小朋友，不要怕冒昧，請主動跟我聯絡，看看能否給予建議或相關支援或協助。//
在關心時事的同時， 家長也不容忽略孩子感受。建議家長保持平和心態，時刻留意孩子情緒，循序漸進，不盡加個人政治立場地耐心回答孩子的提問， 這樣便可以避免孩子受到人社會情況/ 停課的影響而感到不安。我們未必可以準備一個美好的將來給孩子，但作為家長，我們至少能時刻與孩子連繫，增強孩子的安全感，讓他們有足夠的心理素質和韌力，去預備建設一個屬於自己的將來。
Dr. Bianca Ho
何善韻博士
註冊輔導心理學家
善養小童成大同—前計劃顧問